Միսսիսիպիցի նկարիչ Ուոլտեր Անդերսոնի մասին դժվար թե կարդաք արվեստի հանրագիտարաններում ու ժամանակագրություններում: Քննադատներն էլ նրան հաճախ շրջանցում են: Այլ կերպ ասած, ճանաչված նկարիչ նրան դժվար թե հնարավոր լինի համարել:
Շիզոֆրենիայի դիագնոզից հետո նա առանձնացավ Շիրուոթերի իր տանն ու պարզունակ կյանք էր վարում մինչև իր մահը 1965-ին: Այդ շրջանում նա հաճախ էր հեծանվով ճամփորդում, ինչի մասին գրել է. «Անիվները նորից պտտվում են: Հեծանիվը, կարծես թե, մնացած չարիքների համար քիչ տեղ է թողնում, մյուս կողմից՝ բարիքների համար էլ: Այն միաժամանակ ներառող ու բացառող անիվ է»:
Կարծում եմ՝ այդ շրջանում արված որմնանկարները նրա ամենահանճարեղ աշխատանքներն են: Բնությունը, որը նա անընդհատ դիտում էր իր շուրջը: Մոլորակների պտույտը: Անընդհատ հայտնաբերող, ստեղծագործող միտք, առանց խտացման կետի, առանց սկզբի կամ ավարտի:
Անդերսոնի որոշ նկարներ եթե հիացմունք են առաջացնում իրենց գեղեցկությամբ, մի քանիսն ինձ անհանգստացնում, միգուցե նույնիսկ վախեցնում են: Աշխատանքներում զգացվում է նաև նրա լավատեղյակ լինելը տարբեր կրոնական, փիլիսոփայական և այլ դոկտրիններից, ինչպես նաև ինչ-որ քայքաող անհանգստություն, տագնապ: Բայց, ինչ էլ լինի, Ուոլտեր Ինգլիս Անդերսոնը կա ու մնում է ինձ ծանոթ ամենատպավորիչ նկարիչներից:
Ուոլտեր Անդերսոնի արվեստին ու աշխատանքներին կարող եք առավել մանրամասն ծանոթանալ այստեղ:
Comments
Post a Comment
Թողնել մեկնաբանություն